Monday, June 28, 2010

"Bakit ba?"

Bakit bigla na lang ika'y inibig ko?
Nang wala man lang pag aalinlangan sayo,
Nais ko'y ipadama ang nararamdaman ko,
Subalit baka ako'y mabigo lamang sa pag ibig mo,

Sinta kong kay bait,
Paumanhin kung ako'y makulit,
Pero di ko naman sayo ipipilit,
Ako lamang ay may huling hirit,

Makasama ka ulit ng matagal,
Upang maipadama ang aking pagmamahal,
Eto lamang ang kahilingan ko,
Sana'y mapagbigyan mo ito.

Alam kong ito'y mahirap paniwalaan,
pero ako'y nahulog sayo ng tuluyan,
Pagkat nagkasama tayo ng minsan,
At ako'y umibig na sayo ng lubusan........

Friday, June 25, 2010

" Bakit Pangako’y Nilimot Mo? "


Bakit pangako’y nilimot mo?
Sabi mo mamahalin mo ako
Sabi mo kahit anong mangyari man
Tayong dalawa lang hanggang sa walang hanggan.

Bakit pangako’y nilimot mo?
Sabi mo ako ay iingatan
Puso koy hindi mo sasaktan
Hindi ipagpapalit kanino man.

Bakit pangako’y nilimot mo?
Sabi mo pagmamahalan natin ay iyong ipaglalaban
Kahit ano mang maging hadlang
Ako’y wag mangamba dahil ikaw ay laging andiyan.

Bakit pangako’y nilimot mo?
Nagtiwala sa iyo ang aking puso.
Ngayon ako ay isang bigo
Dahil sa ako ay iyong niloko.

" Bakit Kaya? "


Bakit kaya ang puso ay umiibig pa?
Bakit kaya ang puso ay nasasaktan?
Bakit kaya hindi maging isang bato nalang?
Nang sa ganon ang puso ay di magdaramdam.

O sadyang kayhirap unawain
Kung bakit ganito ang nangyayari sa akin
Hindi ko alam kung ano ang gagawin
Nang hindi na masaktan ang aking damdamin.

Bakit kaya kapag ako’y umiibig na
Bakit kaya bigla namang nawawala
Bakit kaya may pag-ibig pa
Di sana’y tahimik ang puso ko’t kaluluwa.

Bakit kaya kayhirap limutin?
Bakit kaya kayhirap tiisin?
Bakit kaya kaysaklap isipin?
Ang pag-ibig ay kaylupit sa akin.

Pilitin mang limutin ka
O bakit kayhirap magawa
Laging sa isipan ikaw ang nagugunita
Sa lahat ng araw…, mapagabi man o umaga.

" Mahal Ka Nang Diyos "

Buhay niya’y sa iyo hindi ipinagkait
Upang kaligtasan iyong makamit
Nagtiid sa hirap at pasakit
Walang hanggang kaligayahan ang kapalit

Masdan mo ang kalikasan
Tingnan mo ang mga tao sa kapaligiran
Ang lahat ay parang walang pakialam
Sa ibinigay sa atin na kaligtasan.

Huwag sanang mangyari na ikaw ay tumulad sa kanila
Sa masasamang gawa nila’y gumaya ka
At kahit saan sila magpunta
Baka ikaw rin ay sumama.

Huwag mong kalimutan
Iyo laging pakatandaan
Na si Hesus lagi sa iyo naghihintay
Na iyong pansinin ang kanyang pananawagan.

Buong araw Siya’y nag-aabang
Sa iyo na Kanyang mahal
Lagi mo sanang pakatandaan
Na mahal ka ng Diyos, maging sino ka man.

" Ano? "


Bakit napakaaga ko naman sayo umibig
Nagkakilala tayo sa isa lamang saglit
Puso ko’y nabihag mo, o bakit?
Ngayon ikaw na ang laging nasa isip.

Nararamdaman ngayon ay di matanto
Ako nga ba ay umiibig sa iyo
Baka paghanga lamang ito
Dahil sa akin ay napakabuti mo.

Sa tuwing kausap ka
Langit ang nadarama
Sa tuwing ikaw naman ay wala
Kaagad naman itong nangangamba.

Nakita ba sa iyo ay ano
Kung bakit ngayon ako ay nagkaganito
Ngayon tuloy nalilito ang aking puso
Pag-ibig o paghanga lang ba ito.

" Masaktan Man, Basta’t Ika’y Akin "


Tandang- tanda ko ang araw na nagkakilala tayo


Hindi kailan man lilimutin ang isang katulad mo
Tuwa’t galak ang dulot sa puso kung ito
Kaya sa iyo’y nangangako na hindi magbabago.

Minamahal kita higit sa buhay ko.
Kahit batid kong iba ang mahal mo.
Hindi papansinin, ang aking damdamin
Masaktan man basta’t ika’y akin.

Kailan ba ang tamang panahon para sa ating dalawa?
Kailan ba maging ganap na akin ka, sinta?
Kailan ba matitiyak na tayo nga ang para sa isa’t-isa?
Kailan ba malalaman na ako nalang sa puso mong nag-iisa?

Minamahal kita mula noon hanggang ngayon.
Maging bukas at sa lahat ng panahon.
Kaya’t sa Diyos ay wala ng hihilingin pa
Kundi sa habam-buhay kita’y makasama.

Sa Diyos lagi kong dinadalangin
Ang pag-ibig mo sana ay ibigay lamang sa akin.
Nawa sa iba ay huwag agawin
Nang masaktan ang puso ay hindi dadanasin.

” Akala Ko Ay Tayo Na “



" Akala Ko Ay Tayo Na "

Hindi ko alam kung anong gagawin
Kung mangyari mang mawalay ka sa akin.
Gayong ngayon nasanay na
Ikaw ang laging kapiling.

Ano ba ang sa iyo’y nagawa?
Bakit ako ay ipinagpalit sa iba?
Buong puso sa iyo’y nagmahal naman sana
Bakit pagmamahal na para sa akin ibinigay mo sa kanya?

Akala ko ay tayo na
Habang buhay ay magsasama.
Kapwa tayong nangako sa isa’t-isa
Hanggang sa walang hanggan tayo lang dalawa.

O kay bilis mo naman yatang nagbago
Mga pangako’y agad nilimot mo.
Mga sinumpaang binitawan
Hindi mo tinupad at ako’y iyong iniwan.

Ngayon ako ay nasasaktan
Nag-iisa’t puso ko’y sugatan
Nagdurugo ngunit wala kang pakialam

Tanging iniisip mo lang ay ang sariling kaligayahan.

“Kailan Ka Muling Magigisnan?

Isang tanong ang laging nasa isipan
Isang tanong na hindi malaman ang kasagutan
Kasagutan na hangad kaagad na makamtan
Kailan ka muling magigisnan?

Ngayon ay di na kita makakasama
Dahil sa piling mo ay iba na
Bagkus buhay lagi sa aking alaala
Ang pagmamahalang pinagsaluhan
nating dalawa.

Ang muling magisnan ka ay
inaasam-asam parin
Makita kang muli at makapiling.
Ngunit kung ito hindi ipagkaloob
ng panahon sa akin
Ako’y patuloy pa rin na aasa sa
muli mong pagdating.

Hindi na ako ang nasa piling mo,
Subalit sa dalangin di ka mawawaglit.
Kaya’t sa iyo ay aking ipinapangako
Hindi ka lilimutin kahit ni isang saglit.

dito sa wedsite

Dito ko sasabihin
sinisigaw ng aking damdamin
umaasa nasa iyong mahalin
ito ang aking panalangin


Sa bawat araw na lumilipas
kailangan bang ihayag at ipamalas
ang tunay nitong lunas
sa puso kong pumapagaspas

Pilit man ibuka ang bibig
ngunit di masabi kanyang hilig
nauunahan ng hiya sa kanyang iniibig
hanggang sa mga tingin at titig

Naghihintay ng pagkakataon
katulad ng isang alon
dadampi ang malamig na hangin
sa pagmamahal ko sana'y dinggin...